Gerturatzen diren bixitarien ugaritzea eta txakoligintzan sotoan bertan dastatzeko ohitura uztartuz, enoturismo programa garatu dugu. Bixitariak gure mahastiak eta ekoizpen prozesuak ezagutu eta txakolin/uxualak dastatzeko aukera dauka. Bixitak, dastaketa maila ezberdinetara daude egokituak eta hamaiketako batekin sendotu daitezke. Urte osoan zehar eta asteko egun guztietan egiteko aukera eskaintzen dugu. Jar zaitez gurekin hartuemonetan eta azalduko dizkizugu sasoiko eskaintza eta aukerak.
Hondarrabi beltza eta Hondarrabi zuria
Hondarrabi beltza edo baltza eta hondarrabi zuria ditugu bodega honetan lehengai. Bertako mahats baltza eta zuria izateaz gain, oso emaitza onak ematen ari dira ekoizten ditugun txakolin ezberdinetan. Ikerketa berriak egiteko lehengai paregabeak dira, hala nola mahats barietate "ezezagunen" bila dabilen bixitariarentzat erakargarri ere bai.